ஐரோப்பாவில் நடைபெற்ற Creventic Endurance Series கார் பந்தயத் தொடரின் முதல் சுற்றில், நடிகர் அஜித் குமார் தலைமையிலான ரேஸிங் அணி தங்களின் திறமையை நிரூபித்து ரசிகர்களை ஆச்சரியத்தில் ஆழ்த்தியுள்ளது.
சினிமாவில் மட்டுமல்லாமல் மோட்டார் ஸ்போர்ட்ஸிலும் தனது ஆர்வத்தையும் அர்ப்பணிப்பையும் தொடர்ந்து வெளிப்படுத்தி வரும் அஜித், இந்த போட்டியிலும் அதையே மீண்டும் நிரூபித்துள்ளார்.
இந்த தொடரின் முக்கிய அம்சமான 12 மணி நேர எண்டூரன்ஸ் ரேஸ் மிகவும் சவாலானதாகும். நீண்ட நேரம் தொடர்ந்து கவனம், திறமை, குழு ஒருங்கிணைப்பு ஆகியவை அவசியமான இந்த போட்டியில், அஜித் குமார் அணியினர் ஆரம்பத்தில் 13வது இடத்தில் இருந்து பந்தயத்தை தொடங்கினர். ஆரம்ப நிலை சாதாரணமாக இருந்தாலும், போட்டி நகர்ந்துகொண்டே செல்லும் போது அவர்கள் காட்டிய திறமையான டிரைவிங், சரியான ஸ்ட்ராட்டஜி, மற்றும் குழு ஒருங்கிணைப்பு ஆகியவை அவர்களை முன்னேற்றியது.
போட்டியின் இறுதிக்கட்டத்தில், கடுமையான போட்டியை சமாளித்து, அஜித் அணி 9வது இடத்தை பிடித்தது மிகப் பெரிய சாதனையாக பார்க்கப்படுகிறது. குறிப்பாக எண்டூரன்ஸ் ரேஸ்களில் இடத்தை முன்னேற்றுவது மிகவும் கடினமான ஒன்று என்பதால், இந்த முன்னேற்றம் ரசிகர்களிடையே பெரும் பாராட்டைப் பெற்றுள்ளது. அஜித் குமார் ரசிகர்கள் சமூக வலைத்தளங்களில் இதனை கொண்டாடி வருகின்றனர்.
அஜித் குமார் தனது சினிமா பிஸியான அட்டவணையையும் மீறி, ரேஸிங் மீது கொண்டுள்ள ஆர்வத்தை ஒருபோதும் குறைக்கவில்லை. அவரது ஒவ்வொரு பங்கேற்பும் இளம் தலைமுறைக்கு பெரிய ஊக்கமாக அமைந்துள்ளது. “பிடித்ததை தொடர்ந்து செய்ய வேண்டும்” என்ற அவரது வாழ்வியல் எண்ணம், இந்த சாதனையின் மூலம் மேலும் வலுப்பெற்றுள்ளது.
.png)
.png)
Listen News!