தமிழ் திரையுலகிலும் சர்வதேச சினிமா வட்டாரத்திலும் முக்கியமான நிகழ்வாகக் கருதப்படும் சென்னை சர்வதேச திரைப்பட விழா (CIFF) ஆண்டுதோறும் டிசம்பர் மாதத்தில் நடைபெறுவது வழக்கம். அந்த வகையில், இந்த ஆண்டு 23வது சென்னை சர்வதேச திரைப்பட விழா கடந்த டிசம்பர் 11ஆம் தேதி கோலாகலமாகத் தொடங்கியது. சென்னை பிவிஆர் சினிமாஸ் திரையரங்குகளில் நடைபெற்று வந்த இந்த விழா, இன்றுடன் வெற்றிகரமாக நிறைவடைந்துள்ளது.
இந்த ஆண்டு நடைபெற்ற சென்னை சர்வதேச திரைப்பட விழாவில், ஜெர்மனி, ரஷ்யா, ஸ்பெயின், பிரான்ஸ், தாய்வான் உள்ளிட்ட 51 நாடுகளைச் சேர்ந்த 122 திரைப்படங்கள் திரையிடப்பட்டன. உலகின் பல்வேறு கலாச்சாரங்கள், மொழிகள், சமூக வாழ்வியல் மற்றும் அரசியல் பின்னணிகளை பிரதிபலிக்கும் திரைப்படங்கள் இதில் இடம் பெற்றிருந்தன.
இதன் மூலம், உலகத் தரமான திரைப்படங்களை தமிழக ரசிகர்களுக்கு அறிமுகப்படுத்தும் முக்கிய மேடையாக இந்த விழா திகழ்ந்தது.
இந்த விழாவின் முக்கிய நிகழ்வாக, சிறந்த நடிகைக்கான விருது அறிவிக்கப்பட்டது. இந்த ஆண்டின் சிறந்த நடிகை விருது, ‘காதல் என்பது பொதுவுடமை’ திரைப்படத்தில் சிறப்பான நடிப்பை வெளிப்படுத்திய நடிகை லிஜோ மோலுக்கு வழங்கப்பட்டுள்ளது.
சமூக உணர்வுகளையும், மனித உறவுகளையும் மையமாகக் கொண்டு உருவான இந்த திரைப்படத்தில், லிஜோ மோல் வெளிப்படுத்திய இயல்பான மற்றும் ஆழமான நடிப்பு, விமர்சகர்களிடையே பெரும் பாராட்டைப் பெற்றிருந்தது. அதனை அடிப்படையாகக் கொண்டு, இந்த விருது அவருக்கு வழங்கப்பட்டுள்ளது.
விழாவில் நடிகை லிஜோ மோல் நேரில் கலந்துகொள்ள முடியாத காரணத்தால், அவருக்கு பதிலாக இயக்குநர் ஜெயப்பிரகாஷ் ராதாகிருஷ்ணன் மேடையில் வந்து இந்த விருதைப் பெற்றுக் கொண்டார் என்பதும் குறிப்பிடத்தக்கது.
_6945207633d7c.webp)
.png)
.png)
Listen News!