தமிழ் திரையுலகில் கடந்த சில ஆண்டுகளாக பரபரப்பாகவே இருந்து வரும் நடிகர் சங்க நிர்வாகம் தொடர்பான சர்ச்சைகள், தற்போது மேலும் ஒரு புதிய திருப்பத்தை எட்டியுள்ளது. நடிகர் நம்பிராஜன் என்பவர் தொடர்ந்த வழக்கில், நடிகர் சங்க நிர்வாகத்தின் பதவிக் கால நீட்டிப்பை எதிர்த்து விவகாரம் தொடர்ந்துள்ள நிலையில், நடிகர் விஷால் நீண்டகால அமைப்பாளராக சட்டப்படி பதில் மனு தாக்கல் செய்துள்ளார்.
அந்த மனுவில், “தேர்தல் நடைபெற்றால் நடிகர் சங்க கட்டுமானப் பணிகள் பாதிக்கப்படும், இந்தக் கட்டடப் பணிகள் பாதிக்கக் கூடாது என்பதால் நிர்வாகிகளின் பதவிக் காலம் மேலும் 3 ஆண்டுகள் நீடிக்கப்பட வேண்டியது அவசியமாகும்.” எனக் கூறப்பட்டுள்ளது.
தமிழகத்தின் நடிகர் சங்கம் கடந்த சில ஆண்டுகளாக நிர்வாக மாறுதல், தேர்தல் நடத்தாமை, நிதி முறைகேடுகள், கட்டடப் பணிகள் போன்ற பல பிரச்சனைகளால் தொடர்ச்சியாக செய்திகளில் இடம்பிடித்து வருகின்றது.
இந்நிலையில், 2022-ல் நிர்வாக பதவிக்குப் பிறகு, புதிய கட்டடத் திட்டம் மேற்கொள்ளப்பட்டது. இதையடுத்து நம்பிராஜன் என்பவர், “இது முற்றிலும் சட்டவிரோதமானது. நிர்வாகம் பதவிக் காலத்தைக் கடந்துவிட்டது. உடனடியாக புதிய தேர்தல் நடத்தப்பட வேண்டும்” எனக் கோரி வழக்கு தொடர்ந்தார். இதற்குப் பதிலளிக்கும் வகையில் விஷால் தற்பொழுது மனு கொடுத்ததால் விசாரணை வருகின்ற 9ம் திகதி வரை ஒத்திவைக்கப்பட்டுள்ளது.
_68427bbdbd9cb.webp)
_684272dc1908d.jpg)
_68414d4be7221.jpg)
_68413d0760bd5.webp)
.png)
.png)
Listen News!