திரையுலகில் தனித்துவமான நகைச்சுவை பாணியால் ரசிகர்களின் மனதில் ஆழமான இடத்தைப் பிடித்த நடிகர்களில் ஒருவர் யோகி பாபு. ஆரம்ப காலங்களில் துணை மற்றும் காமெடி வேடங்களில் நடித்த அவர், தனது இயல்பான டைமிங் காமெடி மற்றும் முகபாவனைகளின் மூலம் குறுகிய காலத்திலேயே முன்னணி நடிகர்களின் படங்களில் தவிர்க்க முடியாத காமெடியனாக மாறினார்.
யோகி பாபு பல ஆண்டுகளாக தமிழ் சினிமாவில் தொடர்ந்து நடித்துவரும் நடிகர். பல நட்சத்திரங்களுடன் இணைந்து நடித்த அனுபவம் கொண்ட இவர், ‘கோலமாவு கோகிலா’, ‘மண்டேலா’ போன்ற படங்களில் ஹீரோவாக நடித்து ரசிகர்களிடம் சிறந்த வரவேற்பைப் பெற்றார்.
காமெடி நடிகராக மட்டுமல்லாமல், கதாநாயகனாகவும் தன்னை நிரூபித்த யோகி பாபு, சமீப காலமாக கதைக்கு முக்கியத்துவம் உள்ள படங்களை தேர்ந்தெடுத்து நடித்து வருகிறார்.
இந்த நிலையில், நடிகர் யோகி பாபுவின் திரையுலக வாழ்க்கையில் ஒரு முக்கியமான மைல்கல்லாக அமைந்துள்ளது அவரது 300வது திரைப்படம். இந்தப் படத்திற்கு ‘அர்ஜுனன் பேர் பத்து’ என தலைப்பு வைக்கப்பட்டுள்ளது. இந்த தலைப்பு அறிவிக்கப்பட்டதிலிருந்தே, ரசிகர்கள் மத்தியில் படத்தின் மீதான எதிர்பார்ப்பு அதிகரித்துள்ளது.
‘அர்ஜுனன் பேர் பத்து’ படத்தின் பர்ஸ்ட் லுக் போஸ்டரை நடிகர் விஜய் சேதுபதி வெளியிட்டுள்ளார். தனது இயல்பான நடிப்பாலும், மாறுபட்ட கதாபாத்திரங்களாலும் ரசிகர்களை கவர்ந்த விஜய் சேதுபதி, யோகி பாபுவின் 300வது படத்தின் பர்ஸ்ட் லுக் போஸ்டரை வெளியிட்டு, படக்குழுவுக்கு வாழ்த்து தெரிவித்துள்ளார்.
.png)
.png)
Listen News!