மலையாள சினிமாவில் ஏற்பட்ட பரப்பு ...!அவதூறு விவகாரத்தில் சிக்கிய நடிகை...!

திரைப்பட உலகில் மீடூ பிரச்சாரம் திரும்பி வலுவாக பேசப்பட்டு வரும் நிலையில், மலையாள சினிமா இண்டஸ்ட்ரியில் மீண்டும் பரபரப்பு ஏற்பட்டுள்ளது. பிரபல மலையாள இயக்குநர் பாலசந்திரன் மேனன் பாலியல் ரீதியாக துன்புறுத்தியதாக குற்றம் சாட்டிய நடிகை மினு முனீர் தற்போது அவதூறு பரப்பியதாக கைது செய்யப்பட்டுள்ளார். சமூக வலைத்தளங்களில் பரவிய பதிவுகளுக்குப் பிறகு இந்தச் சம்பவம் அதிக பரபரப்பை ஏற்படுத்தியுள்ளது.

2018ஆம் ஆண்டு இந்திய சினிமா மற்றும் ஊடக உலகத்தில் மீடூ இயக்கம் பரவலாக பேசப்பட்டது. பலர் தங்களுக்கு நேர்ந்த பாலியல் அத்துமீறல்களை சமூக ஊடகங்களில் வெளிப்படையாக பகிர ஆரம்பித்தனர். இதன் தொடர்ச்சியாக பல பிரபலங்கள் மீது குற்றச்சாட்டுகள் எழுந்தன. ஹேமா கமிட்டியின் அறிக்கையும் இந்த இயக்கத்திற்கு ஒரு மையப் புள்ளியாக அமைந்தது. மலையாள திரையுலகில் பெண்களுக்கு எதிரான வேலைப்பழுதுகள், ஒடுக்குமுறைகள் குறித்து அந்த அறிக்கையில் வெளிப்படுத்தப்பட்டது.

இந்த பின்னணியில் தான், நடிகை மினு முனீர், இயக்குநர் பாலசந்திரன் மேனன் நேரடியாக குற்றம் சாட்டினார். அவருடைய குற்றச்சாட்டுப்படி, அவர் திரைப்பட வாய்ப்புக்காக சந்தித்த நேரத்தில் பாலசந்திரன் மேனன் அவரை ஒட்டுமொத்தமாக தவறாக அணுகியதாகவும், முறையற்ற நடத்தை காட்டியதாகவும் கூறினார். இது தொடர்பான அவரது காணொளி மற்றும் உரைகள் சமூக வலைதளங்களில் பரவலாக பகிரப்பட்டன. மினு தனது பதிவுகளில், சினிமா வாய்ப்புகளுக்காக பெண்கள் எப்படிப் பயன்படுத்தப்படுகிறார்கள் என்பது குறித்து கருத்துக்களை பகிர்ந்திருந்தார். பாலசந்திரன் மேனன் குறிப்பிட்டே அவர் சில பதிவுகளில் பேசினார். இதனால் வலைதளங்களில் விவாதங்கள் உருவாகின.

மீனு முனீரின் குற்றச்சாட்டுகளுக்கு இயக்குநர் பாலசந்திரன் மேனன் வாடிக்கையாகவே மறுப்பு தெரிவித்தார். தனது மீது சுமத்தப்பட்ட குற்றச்சாட்டுகள் பொய்யானவை என்றும், இது அவரது நற்பெயருக்கு பாதிப்பு ஏற்படுத்தும் வகையில் அமைந்துள்ளதாகவும் கூறினார். இதனையடுத்து அவர் போலீசில் புகார் அளித்தார். மினு முனீர் அவதூறு பரப்பும் வகையில் சமூக வலைதளங்களில் வீடியோக்கள், பதிவுகள் வெளியிட்டதாகவும், இது அவரது வாழ்க்கைக்கும், குடும்பத்திற்கும் மனவேதனையை ஏற்படுத்தியதாகவும் அவர் புகார் அளித்திருந்தார்.

அந்த புகாரின் அடிப்படையில், போலீசார் விசாரணை நடத்தி, நவீன தொழில்நுட்ப ஆதாரங்களை சேகரித்தனர். விசாரணையின் போது, சமூக ஊடகங்களில் பகிரப்பட்ட வீடியோக்கள் மற்றும் பதிவுகள் உண்மையாகவே மினுவால் வெளியிடப்பட்டதென்பது உறுதி செய்யப்பட்டதாக போலீசார் தெரிவித்துள்ளனர். இந்த விவகாரம் திரையுலகில் பரபரப்பை ஏற்படுத்தி வரும் நிலையில், தற்போது நடிகை மினு முனீர் கைது செய்யப்பட்டுள்ளார். அவதூறு பரப்புதல், பொய்யான குற்றச்சாட்டுகள் முன்வைத்தல் உள்ளிட்ட சட்ட பிரிவுகளின் கீழ் அவர் கைது செய்யப்பட்டதாக அதிகாரபூர்வமாக தகவல்கள் வந்துள்ளன. தற்போது கைது செய்யப்பட்ட பிறகு, நீதிமன்றத்தில் அவர் ஆஜராக்கப்பட்டு, அவருக்கு நீதிமன்ற காவல் வழங்கப்பட்டுள்ளது. தொடர்ந்து விசாரணை நடைபெற்று வருவதாக தகவல்கள் வெளியாகி உள்ளன .

மேலும் சினிமா செய்திகளுக்கு இங்கே அழுத்தவும்

முக்கிய செய்திகள் பிரபலமானவை