தமிழ் சினிமாவின் முன்னணி நடிகராக திகழும் சூர்யா, இன்று தனது புதிய திரைப்படமான "ரெட்ரோ" படத்தினை திரையரங்குகளில் ரிலீஸ் செய்துள்ளார். இந்த ரிலீஸை ரசிகர்கள் பூரண உற்சாகத்துடன் கொண்டாடி வருகின்றனர். இப்படம், இயக்குநர் கார்த்திக் சுப்புராஜ் இயக்கத்தில், காதல் மற்றும் ஆக்ஷன் கலந்து உருவாகியுள்ளது.
திரைப்படம் வெளியாகியதை அடுத்து, சூர்யாவின் ரசிகர்கள் திரையரங்குகளுக்கு முன்பு போஸ்டருக்கு பால் அபிஷேகம் செய்து அவரை மீண்டும் மாஸ் ஹீரோவாக கொண்டாடியுள்ளார்கள். அந்த வீடியோக்கள் தற்போது சமூக வலைத்தளங்களில் வைரலாக பரவி வருகின்றன.
சமீபத்தில் வெளியான சூர்யாவின் 'கங்குவா' திரைப்படம், மிகுந்த எதிர்பார்ப்பை உருவாக்கியிருந்தாலும், ரசிகர்கள் மத்தியில் முழுமையான வரவேற்பை பெறத் தவறியது. அதனைத் தொடர்ந்து சூர்யா, 'ரெட்ரோ' திரைப்படத்தில் புதிய முயற்சியுடன் பணியாற்றியுள்ளார்.
இப்படத்தில் சூர்யாவுடன் பூஜா ஹெக்டே கதாநாயகியாக நடித்திருக்கின்றார். மேலும், ஜோஜூ ஜார்ஜ், ஜெயராம், நாசர், பிரகாஷ் ராஜ், கருணாகரன், நந்திதா தாஸ் உள்ளிட்ட பல பிரபலமான நட்சத்திரங்கள் இப்படத்தில் இணைந்துள்ளனர். ஒவ்வொரு கேரக்டரும் கதையின் முக்கிய பங்குகளாக அமைந்துள்ளதால், நடிப்புத் திறனில் முத்திரை பதித்துள்ளனர்.
திரையரங்குகளில் இன்று காலை முதல் ரசிகர்கள் விசில் சத்தத்துடன் திரைப்படத்தினைப் பார்த்தனர். பால் அபிஷேகங்கள், பட்டாசு, ரசிகர்கள் கேக் வெட்டும் நிகழ்ச்சிகள் போன்றவைகள் இந்த படத்துக்கு ஓபனிங் வசூலில் பலம் சேர்க்கும் என்று திரையரங்கு வட்டாரங்கள் தெரிவிக்கின்றன. ரசிகர்கள் கொண்டாட்டத்தைப் பார்த்த சிலர்" இப்படம் சூர்யாவின் இறுதி சில படங்களை விட மேலான வரவேற்பைப் பெறும்." என்று எதிர்பார்க்கின்றனர்.
_6813336d5d7bf.jpg)
_682f21a37c9dc.jpg)
.png)
.png)
Listen News!