தெலுங்கு திரையுலகில் முன்னணி ஹீரோக்களில் ஒருவராக திகழ்பவர் பவன் கல்யாண். சினிமாவில் மட்டுமின்றி அரசியலிலும் தன்னுடைய தனித்துவமான பாதையை உருவாக்கிய அவர், தற்போது ஆந்திரப் பிரதேசத்தின் துணை முதல்வராக பதவி வகித்து வருகிறார். இந்த அரசியல் பிஸியான சூழ்நிலையிலும், அவரது திரைப்படங்கள் மீதான ரசிகர்களின் எதிர்பார்ப்பு எப்போதும் அதிகமாகவே இருந்து வருகிறது.
அந்த வகையில், பவன் கல்யாண் நடிப்பில் சமீபத்தில் வெளியான திரைப்படம் தான் உஸ்தாத் பகத் சிங். இயக்குனர் ஹரிஷ் சங்கர் இயக்கத்தில் உருவான இந்த படம், வெளியீட்டுக்கு முன்பே மிகுந்த எதிர்பார்ப்பை ஏற்படுத்தியது. மாஸ் கமர்ஷியல் எண்டர்டெய்னராக உருவாகியுள்ள இப்படம், மார்ச் 19ஆம் தேதி உலகம் முழுவதும் வெளியானது.
ஆனால், இப்படம் வெளியானதன் பின்னர் ரசிகர்கள் மற்றும் விமர்சகர்களிடமிருந்து எதிர்பார்த்த அளவுக்கு நல்ல வரவேற்பைப் பெறவில்லை. குறிப்பாக கதையின் அமைப்பு, திரைக்கதை மற்றும் சில காட்சிகள் குறித்து கலவையான விமர்சனங்கள் எழுந்துள்ளன. பவன் கல்யாணின் ஸ்டார் வால்யூ இருந்தபோதிலும், படம் முழுமையாக ரசிகர்களை திருப்திப்படுத்தவில்லை என்ற கருத்துக்கள் பரவி வருகின்றன.
இந்நிலையில், இப்படத்தின் வசூல் விவரங்கள் தற்போது வெளியாகி கவனம் ஈர்த்துள்ளன. அதன்படி, ‘உஸ்தாத் பகத் சிங்’ திரைப்படம் வெளியான முதல் இரண்டு நாட்களில் உலகளவில் ரூ. 70 கோடி வசூல் செய்துள்ளதாக தகவல்கள் தெரிவிக்கின்றன. சாதாரணமாக பார்க்கும்போது இது ஒரு பெரிய தொகையாக இருந்தாலும், பவன் கல்யாண் போன்ற பெரிய நட்சத்திரத்தின் படத்திற்கு இது குறைவான தொடக்கமாகவே கருதப்படுகிறது.
முன்னதாக அவரது படங்கள் ஆரம்ப நாளிலேயே மிகப்பெரிய வசூல் சாதனைகளை படைத்துள்ள நிலையில், இந்த படத்தின் கலவையான விமர்சனங்கள் வசூலிலும் தாக்கத்தை ஏற்படுத்தியுள்ளதாக சினிமா வட்டாரங்கள் கூறுகின்றன.
.png)
.png)
Listen News!