வெற்றிமாறன் இயக்கத்தில், சிலம்பரசன் நடிப்பில் உருவாகி வரும் ‘அரசன்’ திரைப்படம் ஆரம்ப கட்டத்திலிருந்தே ரசிகர்களிடையே பெரும் எதிர்பார்ப்பை ஏற்படுத்தியுள்ளது. வட சென்னை பின்னணியில் கேங்க்ஸ்டர் கதைக்களத்தில் உருவாகும் இந்த படம், வெற்றிமாறனின் தனித்துவமான கதையம்சமும், சிலம்பரசனின் சக்திவாய்ந்த நடிப்பும் இணையும் ஒரு வலுவான முயற்சியாக பார்க்கப்படுகிறது. கலைபுலி எஸ். தாணு தயாரிப்பில் உருவாகும் இப்படத்திற்கு அனிருத் ரவிச்சந்தர் இசையமைப்பது கூடுதல் பலமாக உள்ளது.
இந்த படத்தில் விஜய் சேதுபதி முக்கியமான கதாபாத்திரத்தில் நடிப்பதும் ரசிகர்களின் ஆவலை அதிகரித்துள்ளது. அவருடன் ஆண்ட்ரியா ஜெரெமையா, பிரியங்கா மோகன், யோகி பாபு, சமுத்திரகனி, விக்ராந்த், கிஷோர், அமீர் உள்ளிட்ட பல திறமையான நடிகர்கள் இணைந்துள்ளனர். இப்படம் பல அடுக்குகளைக் கொண்ட கதையாக இருக்கும் என எதிர்பார்க்கப்படுகிறது.
சமீபத்தில் படப்பிடிப்பு திடீரென நிறுத்தப்பட்டதாக தகவல் வெளியாகி பேசுபொருளாக மாறியது. இதனால் ரசிகர்கள் மத்தியில் குழப்பமும் எழுந்தது. ஆனால் தற்போது ஏற்பட்டிருந்த அனைத்து பிரச்சினைகளும் சரிசெய்யப்பட்டு, மீண்டும் படப்பிடிப்பு பணிகள் தொடங்கியுள்ளதாக கூறப்படுகிறது.
.png)
.png)
Listen News!