தென்னிந்திய சினிமாவில் தனித்துவமான நடிப்பால் ரசிகர்களை கவர்ந்து வரும் விஜய் தேவரகொண்டா, தனது அடுத்த பட அறிவிப்பால் மீண்டும் கவனத்தை ஈர்த்துள்ளார். இந்த புதிய படத்தை ஷௌர்யுவ் இயக்க உள்ளார். இவர் இயக்கிய Hi Nanna திரைப்படம் 2023ஆம் ஆண்டு வெளியாகி நல்ல வரவேற்பைப் பெற்றது. அந்த படத்தில் நானி நடித்திருந்தது குறிப்பிடத்தக்கது.
இந்த கூட்டணி குறித்து விஜய் தேவரகொண்டா தனது சமூக வலைதளம் வழியாக அதிகாரபூர்வமாக அறிவித்துள்ளார்.
இந்த அறிவிப்பு வெளியானதும், ரசிகர்கள் மத்தியில் பெரும் எதிர்பார்ப்பு உருவாகியுள்ளது. ‘ஹாய் நான்னா’ படத்தின் உணர்ச்சி மிக்க கதை சொல்லும் முறை ரசிகர்களை கவர்ந்த நிலையில், அதே இயக்குநருடன் விஜய் தேவரகொண்டா இணைவது புதிய அனுபவத்தை தரும் என ரசிகர்கள் நம்புகின்றனர்.
இந்த படத்தின் கதைக்களம், நடிகர் பட்டியல் உள்ளிட்ட தகவல்கள் விரைவில் வெளியாகும் என எதிர்பார்க்கப்படுகிறது. புதிய கூட்டணி என்பதால், படம் எப்படி இருக்கும் என்ற ஆர்வம் ரசிகர்களிடையே அதிகரித்துள்ளது. மொத்தத்தில், இந்த அறிவிப்பு தென்னிந்திய சினிமா ரசிகர்களுக்கு ஒரு உற்சாகமான செய்தியாக அமைந்துள்ளது.
.png)
.png)
Listen News!