தமிழ் சினிமாவில் தனித்துவமான சிந்தனை மற்றும் படைப்புகளால் ரசிகர்களை கவர்ந்தவர் பார்த்திபன். அவர் சமீபத்தில் பகிர்ந்துள்ள கருத்து தற்போது சமூக வலைத்தளங்களில் பரவலாக பேசப்பட்டு வருகிறது. குறிப்பாக, “ஜாதி இல்லை, மதம் இல்லை” என்ற அவரது நிலைப்பாடு மீண்டும் கவனத்தை ஈர்த்துள்ளது.
“மனதளவில் நான் ஜாதியில்லை, மதமில்லை என்று உறுதியாய் இருப்பவன். ஆனால் வாழ்க்கையில் ஒரு கட்டத்தில் அதற்கான சோதனை ஏற்பட்டது. அதனால் ‘NO CAST, NO RELIGION’ என்ற அரசின் சான்றிதழை பெற வேண்டும் என்ற எண்ணம் உருவானது” என்று பார்த்திபன் தெரிவித்துள்ளார். இதற்காக அவர் தனிப்பட்ட முறையில் பெரும் முயற்சி எடுத்து வருவதாகவும் கூறியுள்ளார்.
மேலும், இந்த சான்றிதழை பெறுவதற்கான நடைமுறை சிக்கல்கள், அதில் ஏற்பட்ட அனுபவங்கள் மற்றும் மன அழுத்தங்களை அவர் வெளிப்படையாக பகிர்ந்துள்ளார். இந்த முயற்சி தனக்காக மட்டும் அல்ல, இதே எண்ணம் கொண்ட பலருக்கும் உதவ வேண்டும் என்ற நோக்கத்துடன் இருப்பதாகவும் அவர் வலியுறுத்தியுள்ளார்.
அவர் கூறியதன்படி, விரைவில் இதற்கான ஒரு அரசாணை (G.O) வெளியாகும் வாய்ப்பு இருப்பதாகவும், அதன் மூலம் யாருக்குத் தேவையோ அவர்கள் இந்த ‘NO CAST, NO RELIGION’ சான்றிதழை பெறும் வாய்ப்பு கிடைக்கும் என்றும் நம்பிக்கை தெரிவித்துள்ளார்.
இந்த கருத்து சமூகத்தில் பல்வேறு விவாதங்களை உருவாக்கியுள்ளது. சிலர் அவரது துணிச்சலான முயற்சியை பாராட்டியுள்ளார்கள்; மற்றவர்கள் இதன் நடைமுறை சாத்தியங்கள் குறித்து கேள்வி எழுப்புகின்றனர்.
.png)
.png)
Listen News!