கடந்த வாரம் வெளியான ‘யூத்’ திரைப்படம் ரசிகர்களின் பேராதரவுடன் திரையரங்குகளில் வெற்றிநடை போட்டு வருகிறது. கென் கருணாஸ் இயக்கி, அவரே ஹீரோவாக நடித்துள்ள இந்த படம், இளைஞர்களை மையமாகக் கொண்ட கதைக்களத்தால் ஆரம்பத்திலிருந்தே கவனம் ஈர்த்தது. வெளியான முதல் நாளிலிருந்தே இப்படம் பாக்ஸ் ஆபிஸில் நல்ல ஓப்பனிங்கைப் பெற்றது குறிப்பிடத்தக்கது.
வார இறுதி நாட்களில் அதிகமான ரசிகர்கள் திரையரங்குகளுக்கு திரண்டதால், படத்தின் வசூல் தொடர்ந்து உயர்ந்து கொண்டே சென்றுள்ளது. குடும்ப ரசிகர்களையும் இளைஞர்களையும் சமமாக கவரும் வகையில் படம் அமைந்துள்ளதாக பலரும் கருத்து தெரிவித்து வருகின்றனர். குறிப்பாக, கென் கருணாஸின் நடிப்பு மற்றும் இயக்கம் ரசிகர்களிடம் நல்ல வரவேற்பைப் பெற்றுள்ளது.
இந்த நிலையில், ‘யூத்’ திரைப்படம் இதுவரை ரூ. 45 கோடி வரை வசூல் செய்துள்ளதாக தகவல்கள் வெளியாகியுள்ளது. குறைந்த பட்ஜெட்டில் உருவான இப்படத்திற்கு இது பெரிய சாதனையாக பார்க்கப்படுகிறது. இதனால் படக்குழுவும், ரசிகர்களும் மகிழ்ச்சியில் உள்ளனர்.
மேலும், வரும் நாட்களில் இந்த படம் இன்னும் அதிக வசூலை குவிக்கும் என எதிர்பார்க்கப்படுகிறது. ‘யூத்’ திரைப்படத்தின் இந்த வெற்றி, கென் கருணாஸின் சினிமா பயணத்தில் முக்கிய மைல்கல்லாக அமைந்துள்ளது.
.png)
.png)
Listen News!