தமிழ் திரையுலகின் இரு மகா நட்சத்திரங்களான ரஜினிகாந்த் மற்றும் கமல் ஹாசன் மீண்டும் ஒரே திரையில் இணைகிறார்கள் என்ற செய்தி வெளியாகியதுமே ரசிகர்கள் மத்தியில் பெரும் பரபரப்பு ஏற்பட்டது. 47 ஆண்டுகளுக்கு பிறகு இந்த இரு புரட்சிகர நடிகர்கள் இணைந்து நடிக்க உள்ளதாக கூறப்படும் இந்தப் படம், தற்போது தமிழ் சினிமாவின் மிகப்பெரிய எதிர்பார்ப்பான திட்டமாக மாறியுள்ளது.
இந்த மாபெரும் கூட்டணியை இயக்குவது இளம் இயக்குநர் நெல்சன் திலீப்குமார். தனது தனித்துவமான காமெடி-த்ரில்லர் பாணிக்காக பெயர் பெற்ற நெல்சன், இந்த படத்தின் மூலம் புதிய வரலாற்றை எழுதத் தயாராக இருப்பதாக தகவல்கள் தெரிவிக்கின்றன.
சமீபத்தில் வெளியான ப்ரோமோ வீடியோ, சமூக வலைத்தளங்களில் வைரலாகி ரசிகர்களை உற்சாகத்தில் ஆழ்த்தியது. இந்த படத்திற்கு இசையமைப்பாளராக அனிருத் ரவிச்சந்தர் இணைந்துள்ளார்.
இந்நிலையில், தற்போது வெளியாகியுள்ள புதிய தகவல் ரசிகர்களை மேலும் ஆவலாக்கியுள்ளது. அதாவது, இந்த படத்தில் வில்லன் கதாபாத்திரத்தில் மம்மூட்டி நடிக்க உள்ளதாக தகவல் வெளியாகியுள்ளது.
மலையாள சினிமாவின் முன்னணி நடிகரான மம்மூட்டி, பல்வேறு விதமான கதாபாத்திரங்களில் தனது திறமையை நிரூபித்தவர். அவர் இந்த படத்தில் எதிர்மறை கதாபாத்திரத்தில் தோன்றினால், அது மூன்று மாநிலங்களின் ரசிகர்களையும் ஒரே நேரத்தில் கவரும் பெரும் அம்சமாக இருக்கும் என திரையுலக வட்டாரங்கள் தெரிவிக்கின்றன.
.png)
.png)
Listen News!