மலையாளம் மற்றும் தமிழ் திரையுலகில் குழந்தை நட்சத்திரமாக அறிமுகமாகி இன்று தனித்துவமான நடிகையாக தன்னை நிலைநிறுத்தி வரும் ஷாலின் சோயா, சமீபத்தில் பகிர்ந்த கருத்துக்கள் சமூக வலைத்தளங்களில் பரபரப்பை ஏற்படுத்தியுள்ளது.
பொதுவாக மகிழ்ச்சியான மற்றும் உற்சாகமான தோற்றத்துடன் காணப்படும் அவர், இம்முறை தனது தனிப்பட்ட வாழ்க்கையைப் பற்றிய சிந்தனைகளை மிகவும் வெளிப்படையாக பகிர்ந்துள்ளார்.
அதாவது, “எனக்கெல்லாம் கல்யாணம் ஆகாது; என்னை எல்லாம் யார் கல்யாணம் செய்து கொள்வார்கள்? நான் காதலுக்கு ஏற்ற ஆளோ அல்லது கல்யாணத்திற்கு ஏற்ற ஆளோ கிடையாது. என்னைத் திருமணம் செய்துகொள்பவர்கள் நிச்சயம் ரொம்பக் கஷ்டப்படுவார்கள்,” என்று கூறிய அவரது கருத்து ரசிகர்களிடையே அதிர்ச்சியையும், சோகத்தையும் ஏற்படுத்தியுள்ளது.
இந்த வார்த்தைகள் அவர் மனதில் உள்ள உண்மையான உணர்வுகளை வெளிப்படுத்துவதாக பலரும் கருத்து தெரிவித்து வருகின்றனர்.
ஷாலின் சோயா தனது சினிமா பயணத்தை குழந்தை நட்சத்திரமாகத் தொடங்கினார். மலையாளத்தில் வெளியான ‘ஷோபிஸில்’ போன்ற படங்களில் நடித்ததன் மூலம் அவர் தனது திறமையை வெளிப்படுத்தினார். பின்னர் தமிழ் ரசிகர்களிடையே அவர் பிரபலமானது 'ஆட்டோகிராஃப்' படத்தின் மூலம் தான். அந்த படத்தில் அவர் நடித்த கதாபாத்திரம், இளம் ரசிகர்களின் மனதில் நீங்காத இடத்தைப் பெற்றது.
அதனைத் தொடர்ந்து பல திரைப்படங்களில் நடித்த அவர், தனது இயல்பான நடிப்பால் கவனம் பெற்றார். சினிமாவைத் தாண்டி, தற்போது சமையல் நிகழ்ச்சிகளிலும் கலந்து கொண்டு ரசிகர்களுடன் தொடர்பில் இருந்து வருகிறார். இந்த நிகழ்ச்சிகளின் மூலம் அவரது எளிமையான, நகைச்சுவையான பக்கம் ரசிகர்களுக்கு மேலும் நெருக்கமாகியுள்ளது.
.png)
.png)
Listen News!