காந்தாரா சாப்டர் 1 புதிய அப்டேட்...!டிரெய்லரை தமிழில் வெளியிடும் சிவகார்த்திகேயன்...!

2022-ம் ஆண்டு வெளியாகி தென்னிந்திய சினிமாவில் திருப்புமுனையாக அமைந்த கன்னட திரைப்படம் 'காந்தாரா' – தற்போது அதன் இரண்டாம் பாகமாக 'காந்தாரா சாப்டர் 1' உருவாகியுள்ளது. இந்த படத்தை முந்தையபோலவே ரிஷப் ஷெட்டி எழுதி இயக்கியுள்ளார், மேலும் கதாநாயகனாகவும் நடித்துள்ளார்.

குறைந்த பட்ஜெட்டில் உருவாகிய முதல் பாகம் ரூ.400 கோடிக்கும் மேல் வசூல் செய்தது ரசிகர்களிடையே பெரும் வரவேற்பைப் பெற்றது. அதன் வெற்றியைத் தொடர்ந்து, ஹோம்பலே ஃபிலிம்ஸ் நிறுவனம் 'காந்தாரா சாப்டர் 1' ஐயும் மிக பிரமாண்டமாக தயாரித்துள்ளது.

இந்த திரைப்படம் 2025 அக்டோபர் 2-ஆம் தேதி உலகம் முழுவதும் வெளியாகிறது. தயாரிப்பு நிறுவனம் படத்தை 30-க்கும் மேற்பட்ட நாடுகளில் வெளியிட திட்டமிட்டுள்ளது. தமிழ்நாட்டில் மட்டும் இந்த படத்தின் வியாபார உரிமம் சுமார் ரூ.33 கோடிக்கு விற்பனை செய்யப்பட்டுள்ளதாக தகவல்கள் தெரிவிக்கின்றன.

படத்தின் டிரெய்லர் செப்டம்பர் 22 அன்று வெளியாக இருக்கிறது. தமிழ் டிரெய்லரை நடிகர் சிவகார்த்திகேயன் வெளியிடவிருக்கிறார், மற்றும் இந்தி டிரெய்லரை பாலிவுட் நடிகர் ஹ்ரித்திக் ரோஷன் வெளியிடவுள்ளார் என்பது குறிப்பிடத்தக்கது.

கேஜிஎஃப், சலார், காந்தாரா ஆகிய வெற்றிப் படங்களை வழங்கிய ஹோம்பலே ஃபிலிம்ஸ், இம்முறை 'காந்தாரா சாப்டர் 1' மூலம் மீண்டும் ரசிகர்களின் மனதை கொள்ளை கொள்ளவிருக்கிறது.

மேலும் சினிமா செய்திகளுக்கு இங்கே அழுத்தவும்

முக்கிய செய்திகள் பிரபலமானவை