டிசி ஸ்டுடியோஸ் தயாரிப்பில் உருவாகியுள்ள பிரம்மாண்ட ஹாலிவுட் திரைப்படமான 'சூப்பர்கேர்ள்' தற்போது ரசிகர்களிடையே பெரும் எதிர்பார்ப்பை ஏற்படுத்தியுள்ளது. ஜேம்ஸ் கன் தயாரிப்பில், கிரேக் கிலெஸ்பி இயக்கத்தில் உருவாகியுள்ள இந்த திரைப்படம், சூப்பர் ஹீரோ கதைகளுக்கு புதிய பரிமாணத்தை வழங்கும் என எதிர்பார்க்கப்படுகிறது.
இந்தப் படத்தில் ஹாலிவுட் நடிகை மில்லி அல்காக் சூப்பர்கேர்ள் கதாபாத்திரத்தில் நடித்துள்ளார். அவரின் அதிரடி மற்றும் உணர்ச்சி கலந்த நடிப்பு ஏற்கனவே ரசிகர்களின் கவனத்தை ஈர்த்துள்ளது. குறிப்பாக வெளியான தமிழ் டிரெய்லர், காட்சித் தரம், ஆக்ஷன் சீன்கள் மற்றும் பின்னணி இசையால் ரசிகர்களிடையே நல்ல வரவேற்பைப் பெற்றுள்ளது.
இத்திரைப்படம் வரும் ஜூன் 26ஆம் தேதி தமிழ், தெலுங்கு, இந்தி மற்றும் ஆங்கிலம் உள்ளிட்ட பல மொழிகளில் உலகம் முழுவதும் வெளியாக உள்ளது. டிசி ரசிகர்கள் மட்டுமல்லாமல், உலகம் முழுவதும் உள்ள சினிமா ரசிகர்களும் இந்த படத்திற்காக ஆவலுடன் காத்திருக்கின்றனர்.
பெரிய பட்ஜெட்டில் உருவாகியுள்ள ‘சூப்பர்கேர்ள்’ திரைப்படம், அதன் கதை, காட்சிகள் மற்றும் நடிப்பின் மூலம் ரசிகர்களை கவரும் என எதிர்பார்க்கப்படுகிறது. தற்போது வெளியாகியுள்ள டிரெய்லர், படத்தின் மீதான எதிர்பார்ப்பை மேலும் அதிகரித்துள்ளது.
.png)
.png)
Listen News!