சிறந்த கதாநாயகன் விருதை வென்றார் "பாண்டியன் ஸ்டோர்ஸ்" சீரியல் நடிகர்... யார் தெரியுமா.?

ஒருகாலத்தில் வெள்ளித்திரை படங்களே மக்களின் முதன்மையான பொழுதுபோக்காக இருந்தன. பெரிய திரையில் வெளியான படங்களே அதிக வரவேற்பைப் பெற்றதாக தேசிய அளவில் பேசப்பட்டன. ஆனால் தற்பொழுது காலம் மாறியுள்ளது. இன்றைய டிஜிட்டல் யுகத்தில், சின்னத்திரை நிகழ்ச்சிகள், குறிப்பாக சீரியல்கள் மற்றும் ரியாலிட்டி ஷோக்கள் ரசிகர்களின் நாளாந்த வாழ்க்கையின் ஒரு பகுதியாக மாறிவிட்டன.

அதற்கான சிறந்த உதாரணமாகத் திகழ்கிறது தற்பொழுது வழங்கப்பட்ட விருது. இந்த தமிழக அரச விருது விழா அண்மையில் கோலாகலமாக நடத்தப்பட்டது. சினிமா மற்றும் சின்னத்திரை துறைகளில் சிறந்து விளங்கிய கலைஞர்களுக்கு இந்த விழாவில் விருதுகள் வழங்கப்பட்டன. குறிப்பாக சின்னத்திரை கலைஞர்களுக்கு அளிக்கப்பட்ட அங்கீகாரம், அந்தத் துறையின் வளர்ச்சியை வெளிப்படுத்துவதாக இருந்தது.

இந்த விழாவில், ‘பாண்டியன் ஸ்டோர்ஸ்’ தொடரில் முக்கிய கதாபாத்திரத்தில் நடித்து வரும் நடிகர் ராஜ்குமார் சிறந்த கதாநாயகனுக்கான விருதை பெற்றுள்ளார்.

‘பாண்டியன் ஸ்டோர்ஸ்’ தொடரில் ராஜ்குமார் நடித்துவரும் கதாபாத்திரம், குடும்பப் பொறுப்புகளை ஏற்றுக்கொண்டு உறவுகளை காப்பாற்றும் மனிதனின் உணர்ச்சிகளை வெளிப்படுத்துகிறது. இயல்பான நடிப்பு, உணர்ச்சி பூர்வமான காட்சிகளை வெளிப்படுத்தும் அவரது திறமை இந்த விருதுக்கு முக்கிய காரணமாக பார்க்கப்படுகின்றன. இது குறித்த புகைப்படங்கள் தற்பொழுது வைரலாகி வருகின்றன.

மேலும் சினிமா செய்திகளுக்கு இங்கே அழுத்தவும்

முக்கிய செய்திகள் பிரபலமானவை