விஜய் டிவியில் ஒளிபரப்பாகும் சீரியல்கள் ரசிகர்கள் மத்தியில் நல்ல வரவேற்பைப் பெற்று வருகின்றன. குறிப்பாக ‘சிறகடிக்க ஆசை’, ‘சின்ன மருமகள்’, ‘பாண்டியன் ஸ்டோர்ஸ் 2’ போன்ற தொடர்கள் அதிக ரசிகர்களை ஈர்த்துள்ளன.
இந்நிலையில், ‘சிறகடிக்க ஆசை’ சீரியலில் அடுத்த வாரம் ஒளிபரப்பாகவுள்ள எபிசோட்களில் புதிய திருப்பங்கள் இடம்பெறவுள்ளதாக ப்ரோமோ வெளியாகியுள்ளது.
ஏற்கனவே, வீட்டில் இருக்கும் மருமகள்கள் ஒவ்வொருவரும் தங்களது தனிப்பட்ட காரணங்களால் வீட்டை விட்டு வெளியேறுகின்றனர். இதனால் முத்து, மனோஜ் மற்றும் ரவி ஆகியோர் வீட்டில் தனியாக இருந்து சிரமங்களை எதிர்கொள்கின்றனர்.
இதற்கிடையில் வெளியாகியுள்ள புதிய ப்ரோமோவில், இதுவரை கலகலப்பாக இருந்த விஜயாவின் வீடு தற்போது யாரும் இல்லாத அமைதியான நிலையில் இருப்பதை விஜயா உணர்கிறார்.
அடுத்ததாக, விஜயா பார்வதியின் வீட்டிற்கு சென்று, “இப்போதுதான் உன் கஷ்டம் எனக்கு புரிகிறது. இத்தனை நாட்கள் நீ எப்படி தனியாக இருந்தாய்?” என்று அவரது நிலையை உணர்ந்து பேசும் காட்சி இடம்பெறுகிறது.
இதன் மூலம் விஜயா தனது குடும்பத்தின் முக்கியத்துவத்தை படிப்படியாக உணர ஆரம்பித்துள்ளாரா என்ற கேள்வி ரசிகர்களிடையே எழுந்துள்ளது.
மேலும், மீண்டும் மீனாவை வீட்டில் சேர்த்துக் கொண்டு பழைய சந்தோஷத்தை மீட்டெடுக்க முயற்சிப்பாரா விஜயா என்பதையும் அறிய ரசிகர்கள் ஆவலுடன் காத்திருக்கின்றனர்.
.png)
.png)
Listen News!