• Mar 29 2024

மாமன்னன் பட அப்டேட் கொடுத்த உதயநிதி!- கையில் அரிவாளுடன் ஆக்ரோஷமாக அமர்ந்திருக்கும் வித்தியாசமான போஸ்டர் ரிலீஸ்

stella / 10 months ago

Advertisement

Listen News!

பரியேறும் பெருமாள், கர்ணன் படத்தைத் தொடர்ந்து இயக்குநர் மாரி செல்வராஜ் இயக்கி உள்ள திரைப்படம் மாமன்னன். இப்படத்தில் உதயநிதி ஸ்டாலின் கதாநாயகனாக நடிக்க அவருக்கு ஜோடியாக கீர்த்தி சுரேஷ் நடித்து வருகிறார். மேலும், முக்கிய கதாபாத்திரத்தில் ஃபஹத் பாசில், வடிவேலு ஆகியோர் நடிக்கின்றனர். ஏ.ஆர்.ரஹ்மான் இசையமைக்கிறார், தேனி ஈஸ்வர் ஒளிப்பதிவை பணிகளை கவனித்து வருகிறார்.

நகைச்சுவை நடிகரான வடிவேலு இதுவரை ஹீரோக்களுக்கு தந்தையாக நடிக்காத நிலையில், மாமன்னன் படத்தில் முதன்முறையாக படத்தின் நாயகன் உதயநிதிக்கு தந்தையாக வடிவேலு நடித்துள்ளார். இதுவரை நகைச்சுவை நடிகராக நடித்து வந்த வடிவேலுவை பாசமிகு தந்தையாக புதிய பரிமாணத்தில் திரையில் காண ரசிகர்கள் ஆர்வமாக உள்ளனர்.


இப்படத்தின் படப்பிடிப்பு சேலம், சென்னை உள்ளிட்ட இடங்களில் நடந்து கடந்த, செப்டம்பர் மாதம் நிறைவடைந்தது. தற்போது படத்தின் போஸ்ட் புரொடக்‌ஷன் பணிகள் விறுவிறுப்பாக நடைபெற்று வருகின்றன. இதையடுத்து படத்தின் பர்ஸ்ட் லுக் போஸ்டர் நாளை வெளியாகும் என்ற அறிவிப்புடன் படக்குழு ஒரு போஸ்டரை வெளியிட்டு இருந்தது. அதில் உதயநிதி சூட்கோட்டுடன் நிற்க, எதிரில் இருந்தவர் வெள்ளை வேட்டி சண்டையில் இருந்தார்.

இதையடுத்து, தற்போது படக்குழு மீண்டும் ஒரு புது போஸ்டரை வெளியிட்டுள்ளது. அந்த போஸ்டரில் ஒரு ஷோபாவில் உதயநிதி கையில் அரிவாளுடன் அக்ரோஷமாக அமர்ந்து இருக்கிறார். அருகில் வெள்ளைவேட்டி சட்டையில் இருக்கும் ஆசாமி கையில் துப்பாக்கியுடன் அமர்ந்து இருக்கிறார். இந்த போஸ்டர் இணையத்தில் பெரும் ட்ரெண்டாகி வருகிறது. போஸ்டரை பார்த்த ரசிகர்கள் கமெண்டுகளை அள்ளி வீசி வருகின்றனர்.


மாமன்னன் திரைப்படம், தமிழ் சினிமாவில் ஒரு முக்கியமான படமாக இருக்கும் என்றும், இன்றைய சூழலில் இருக்கும் அரசியலை பேசக்கூடிய படமாக இருக்கும் என்று மாரி செல்வராஜ் ஏற்கனவே கூறியிருந்த நிலையில், தற்போது வெளியாகி உள்ள இரண்டு போஸ்டர்களும் அதை உறுதி செய்துள்ளதால், நாளை வெளியாக உள்ள பர்ஸ்ட் லுக் இதைவிட தரமாக இருக்கும் என்று எதிர்பார்ப்பு எழுந்துள்ளது.


Advertisement

Advertisement

Advertisement