மீனா வெளியிட்ட வீடியோ... அந்த கேள்வியை கேட்ட நெட்டிசன்ஸ்!

தமிழ் சினிமாவில் குழந்தை நட்சத்திரமாக அறிமுகமாகி பட்டையை கிளப்பியவர் நடிகை மீனா. 1990 களில் ஹீரோயினாக வலம் வந்த நடிகை மீனா ரஜினி, கமல், விஜயகாந்த், அஜித், பிரபு, கார்த்தி, சரத்குமார் என முன்னணி நடிகர்களின் படங்களில் போட்டி போட்டு நடித்து வந்தார். ரஜினிகாந்துடன் நடிகை மீனா நடித்த முத்து, எஜமான், வீரா உள்ளிட்ட படங்கள் செம்ம ஹிட்டடித்தன. தமிழ் சினிமா மட்டுமின்றி தெலுங்கு, மலையாளம், கன்னடம் மற்றும் இந்தி என பல மொழிகளில் முன்னணி நடிகர்களுடன் ஏராளமான படங்களில் நடித்துள்ளார் மீனா.

திரையுலகில் முன்னணி நடிகையாக வலம் வந்த போதே பெங்களூரைச் சேர்ந்த வித்யா சாகர் என்பவரை திருமணம் செய்து கொண்டார். நடிகை மீனாவுக்கும் வித்யா சாகருக்கும் நைனிகா என்ற மகள் உள்ளார். நைனிகா, விஜய்யின் தெறி படத்தின் மூலம் குழந்தை நட்சத்திரமாக அறிமுகமானார். திருமணத்திற்கு பிறகும் சினிமாவில் ஆக்டிவாக உள்ள மீனா, தனக்கு பொருத்தமான கதாப்பாத்திரங்களில் நடித்து வருகிறார்.

இவ்வாறுஇருக்கையில் நடிகை மீனாவின் கணவரான வித்யா சாகர் கடந்த ஜூன் மாதம் திடீரென மரணமடைந்தார். சில மாதங்களாக நுரையீரல் தொற்றால் சிகிச்சை பெற்று வந்த வித்யா சாகர் மாற்று நுரையீரல் கிடைக்காததால் மரணமடைந்தார். வித்யா சாகரின் திடீர் மரணம் தமிழ் சினிமாவில் பெரும் அதிர்வலைகளை ஏற்படுத்தியது. நடிகர் ரஜினிகாந்த் உட்பட பல பிரபலங்கள் நேரில் சென்று நடிகை மீனாவுக்கு ஆறுதல் தெரிவித்து வந்தனர்.

கணவர் மரணத்திற்கு பிறகு வீட்டிலேயே முடங்கி இருந்த மீனா கொஞ்சம் கொஞ்சமாக இயல்பு நிலைக்கு திரும்பினார். தொடர்ந்து தோழிகளுடன் அடிக்கடி வெளி நாடுகளுக்கு தோழிகளுடன் சுற்றுலா சென்று வருகிறார் நடிகை மீனா. மேலும் அந்த வீடியோக்களை தனது சமூக வலைதள பக்கத்தில் ஷேர் செய்து வருகிறார். மீனாவின் வீடியோக்களை பார்க்கும் ரசிகர்கள் அவர் பழையப்படி இயல்பு நிலைக்கு திரும்பி வருவதை பார்த்து மகிழ்ச்சியை கூறிவருகின்றனர்.

இவ்வாறுஇருக்கையில் நடிகை மீனா தற்போது மீண்டும் வெளிநாட்டிற்கு சுற்றுலா சென்றுள்ளார். அந்த வீடியோவை தனது சோஷியல் மீடியா பக்கத்தில் ஷேர் செய்துள்ளார் நடிகை மீனா. மீனாவின் இந்த வீடியோவை பார்த்த நெட்டிசன்கள், கமெண்டுகளை குவித்து வருகின்றனர். இது மீனாவா அல்லது அவரது மகளா என கேட்டு திக்குமுக்காட வைத்துள்ளனர் நெட்டிசன்கள். இன்னும் உங்களின் அழகு கொஞ்சமும் குறையவில்லை, உங்களை மீண்டும் இயல்புநிலைக்கு கொண்டு வந்த இறைவனுக்கு நன்றி என்றும் கூறி வருகின்றனர்.

அத்தோடு சிலர் நீங்கள் ஏன் இரண்டாவது திருமணத்தை பற்றி யோசிக்கக் கூடாது என்றும் கேட்டு வருகின்றனர். நடிகை மீனா இரண்டாவது திருமணம் செய்து கொள்ள உள்ளதாக சமீபத்தில் தகவல் வெளியானது. நீண்ட நாள் குடும்ப நண்பரை நடிகை மீனா திருமணம் செய்யவுள்ளதாக தகவல் பரவியது. ஆனால் பின்னர் அந்த தகவல் உண்மையில்லை, வெறும் வதந்திதான் என்றும் கூறப்பட்டது குறிப்பிடத்தக்கது.