விஜய்யின் தளபதி 68 படத்திற்காக எப்படியாவது டேட்ஸை அட்ஜஸ்ட் செய்யுமாறு லேடி சூப்பர் ஸ்டார் நயன்தாராவுக்கு கோரிக்கை விடுத்துள்ளனர் ரசிகர்கள். தளபதி 68 படத்திற்காக டேட்ஸ் அட்ஜஸ்ட் செய்து கொள்ளுமாறு நயன்தாராவுக்கு ரசிகர்கள் கோரிக்கை விடுத்துள்ளனர்.
ட்விட்டர் பக்கம் போனாலே தளபதி 68 பற்றிய பேச்சாகத் தான் உள்ளது. விஜய்யின் தளபதி 68 படத்தை வெங்கட் பிரபு இயக்கவிருக்கிறார். அந்த படத்தை ஏ.ஜி.எஸ். நிறுவனம் தயாரிக்கவிருக்கிறது. இந்நிலையில் விஜய்க்கு ஜோடியாக நடிக்க வைக்க லேடி சூப்பர் ஸ்டார் நயன்தாரா, சாய் பல்லவி ஆகியோரிடம் பேச்சுவார்த்தை நடந்து வருகிறது என தகவல் வெளியாகியுள்ளது.
விஜய்க்கு ஜோடியாக நயன்தாராவை நடிக்க வைக்கவே அதிகம் விரும்புகிறார்களாம். ஹீரோயின் என்றால் சும்மா ஹீரோவுடன் டூயட் பாடிவிட்டு செல்லும் கதாபாத்திரம் இல்லையாம், வெயிட்டானதாம். அதனால் தளபதி 68 படத்தில் நடிக்க நயன்தாரா ஒப்புக் கொள்வார் என்றே நம்பப்படுகிறது. நயன்தாரா தற்போது கை நிறைய படங்கள் வைத்து பிசியாக நடித்து வருவதால் விஜய் படத்திற்கு டேட்ஸ் கிடைக்குமா என்கிற கேள்வி எழுந்துள்ளது.
நயன்தாரா எவ்வளவு சம்பளம் கேட்டாலும் ஏ.ஜி.எஸ். கொடுத்துவிடுவார்கள். ஆனால் டேட்ஸ் தான் பிரச்சனையாகிவிடுமோ என ரசிகர்கள் ஃபீல் பண்ணுகிறார்கள். தளபதி விஜய்யும், நயன்தாராவும் மீண்டும் சேர்ந்து நடிக்க வேண்டும், அதை நாங்கள் பார்த்து ரசிக்க வேண்டும் என்கிறார்கள் ரசிகர்கள். அதனால் டேட்ஸ் இல்லாவிட்டாலும் கூட தயவு செய்து எப்படியாவது அட்ஜஸ்ட் செய்து கொடுங்கள் என ரசிகர்கள் கோரிக்கை விடுத்துள்ளனர்.
அட்லி இயக்கத்தில் விஜய் அப்பா, மகன் என இரண்டு வேடங்களில் அசத்திய பிகில் படத்தில் மகன் விஜய்க்கு ஜோடியாக நடித்திருந்தார் நயன்தாரா. அதற்கு முன்பு பிரபுதேவா இயக்கிய வில்லு படத்தில் தளபதிக்கு ஜோடியாக நடித்தார். மேலும் சிவகாசி படத்தில் ஒரு பாடலுக்கு விஜய்யுடன் சேர்ந்து டான்ஸ் ஆடியிருந்தார். நயன்தாரா. தளபதி, லேடி சூப்பர் ஸ்டார் இடையேயான கெமிஸ்ட்ரி ரசிகர்களுக்கு பிடித்துவிட்டது. அதனால் தான் தளபதி 68 படத்திற்காக டேட்ஸ் அட்ஜஸ்ட் செய்யுமாறு கூறுகிறார்கள்.
நயன்தாரா தற்போது நிலேஷ் கிருஷ்ணா இயக்கத்தில் லேடி சூப்பர்ஸ்டார் 75 படத்தில் நடித்து வருகிறார். சூப்பர் ஸ்டார் ரஜினிகாந்தின் ஆசியுடன் படப்படிப்பை துவங்கினார்கள். ஹீரோயினை மையமாக கொண்ட அந்த படத்தில் நயன்தாராவின் காதலராக நடிக்கிறார் ஜெய். பிரமாண்டத்திற்கு பெயர் போன ஷங்கரின் உதவியாளர் தான் இந்த நிலேஷ் கிருஷ்ணா என்பது குறிப்பிடத்தக்கது.
லேடி சூப்பர் ஸ்டார் 75 தவிர்த்து டெஸ்ட் படத்தில் நடிக்கிறார். அந்த படம் மூலம் முதல்முறையாக மாதவனுடன் சேர்ந்து நடிக்கிறார் நயன்தாரா. டெஸ்ட் படத்தில் முக்கிய கதாபாத்திரத்தில் நடிக்கிறார் மீரா ஜாஸ்மின். கோலிவுட்டின் நம்பர் ஒன் நடிகையான நயன்தாரா, ஷாருக்கானின் ஜவான் படம் மூலம் பாலிவுட் சென்றிருக்கிறார். ஜவான் படம் செப்டம்பர் மாதம் ரிலீஸாகவிருக்கிறது.
விஜய்யோ லோகேஷ் கனகராஜ் இயக்கத்தில் லியோ படத்தில் நடித்துக் கொண்டிருக்கிறார். அந்த பட வேலையே முடியாத நிலையில் தளபதி 68 பற்றி தான் அதிகம் பேசப்படுகிறது. முன்னதாக தளபத 68 படத்தை கோபிசந்த் மலினேனி இயக்க சூப்பர் குட் ஃபிலிம்ஸ் நிறுவனம் தயாரிக்கும் என்று கூறப்பட்டது. தளபதி 68 படத்தில் விஜய்க்கு ஜோடியாக க்ரித்தி ஷெட்டியை நடிக்க வைக்க விரும்புகிறார் கோபிசந்த் என்று தகவல் வெளியானது. இறுதியில் மொத்த குழுவும் மாறிவிட்டது.
_64663a99016ae.jpg)
_64663fb248a3a.jpg)
.png)
.png)
Listen News!