Listen News! | Listen மும்பை ஏர்போர்ட்டில் இருந்து வாடகை காரில் சென்ற சூப்பர் ஸ்டார் : வியந்துபோய் பார்த்த ரசிகர்கள். லால் சலாம் படப்பிடிப்பில் கலந்து கொள்ள மும்பை சென்ற சூப்பர் ஸ்டார் ரஜினிகாந்த் பயணித்த காரை பார்த்த ரசிகர்கள் வியந்து பேசினார்கள்.ஐஸ்வர்யா ரஜினிகாந்த் இயக்கி வரும் லால் சலாம் படத்தில் கவுரவத் தோற்றத்தில் நடிக்கிறார் சூப்பர் ஸ்டார். அந்த படத்தின் ஷூட்டிங் மும்பையில் நடக்கிறது. இதற்காக சென்னையில் இருந்து விமானம் மூலம் மும்பை கிளம்பிச் சென்றார் ரஜினி. சாதாரண உடையில் அவரை விமான நிலையத்தில் பார்த்தவர்களோ, எவ்வளவு பெரிய மனிதர் இப்படி சாதாரணமாக உடை அணிந்து வந்திருக்கிறார். எளிமையாக இருக்க ரஜினியிடம் இருந்து கத்துக்கணும்யா என்றார்கள்.மும்பை விமான நிலையத்தை அடைந்த பிறகு வேற லெவலில் அனைவரையும் வியக்க வைத்துவிட்டார் ரஜினி. அவருக்கு இருக்கும் வசதிக்கு சொகுசு கார்களில் தான் செல்ல வேண்டும். ஆனால் மும்பை விமான நிலையத்தில் ரஜினியை பிக்கப் செய்ய வந்தது சொகுசு கார் அல்ல. டொயோட்டா இன்னோவா க்ரிஸ்ட்டா வாடகை கார் ஆகும். அதில் தான் அவர் கிளம்பிச் சென்றார்.ஒரு சூப்பர் ஸ்டாராக இருந்தாலும் இப்படி பந்தா பண்ணாமல் வாடகை காரில் செல்வது ரஜினியால் மட்டுமே முடியும் என்கிறார்கள் தலைவர் ரசிகர்கள். லால் சலாம் படத்தில் மொய்தீன் பாயாக நடித்து வருகிறார் ரஜினிகாந்த். மொய்தீன் பாய் பெயருடன் கூடிய ஃபர்ஸ்ட் லுக் போஸ்டரை வெளியிட்டது லைகா. அந்த போஸ்டர் ரஜினி ரசிகர்களுக்கு பிடித்துவிட்டது.மொய்தீன் பாயாக நடிக்க மலையாள நடிகர் மம்மூட்டியை தான் முதலில் தேர்வு செய்தாராம் ஐஸ்வர்யா ரஜினிகாந்த். மம்மூட்டியை அணுகி கதை சொல்ல அவரும் நான் நடிக்கிறேன் என்றாராம். அதன் பிறகு மொய்தீன் பாய் கதாபாத்திரம் குறித்து ஐஸ்லவர்யா மூலம் கேட்டறிந்த ரஜினியோ, இது நல்லாருக்கே, நானே நடிக்கிறேன் என்று கூறியிருக்கிறார். அப்பாவை வைத்து படம் இயக்க ஆசைப்பட்ட ஐஸ்வர்யா உடனே ஓகே சொல்லிவிட்டாராம்.ரஜினி ஆசைப்பட்டு நடிக்கிறேன் என்று கூறியிருக்கிறார் என்றால் அந்த மொய்தீன் பாய் கதாபாத்திரம் நிச்சயம் வெயிட்டானதாக தான் இருக்க வேண்டும். அதனால் மொய்தீன் பாய் நிச்சயம் ரசிகர்களை கவர்வார் என்பதில் சந்தேகம் இல்லை. மொய்தீன் பாயின் தங்கையாக ஜீவிதா ராஜசேகர் நடித்து வருகிறார். அவர் ரஜினி படத்தில் நடிப்பது இதுவே முதல் முறை ஆகும்.லால் சலாம் படத்தில் இதுவரை எடுக்கப்பட்ட காட்சிகளை அப்பாவிடம் போட்டுக் காட்டியிருக்கிறார் ஐஸ்வர்யா. அந்த காட்சிகளை பார்த்த ரஜினியோ, அருமையாக இருக்குமா என்று கூற ஐஸ்வர்யாவுக்கு புது தெம்பு வந்துவிட்டது. விஷ்ணு விஷால், விக்ராந்த் முக்கிய கதாபாத்திரத்தில் நடித்து வரும் லால் சலாம் மீது எதிர்பார்ப்பு அதிகம் இருக்கிறது.மகன்களுக்காக கெரியரில் இருந்து பிரேக் எடுத்த ஐஸ்வர்யா ரஜினிகாந்தின் கம்பேக் படம் லால் சலாம். தன் கம்பேக் படம் பக்காவாக இருக்க வேண்டும் என பார்த்து பார்த்து இயக்கி வருகிறார். மீண்டும் முழு நேரம் வேலை செய்வதில் சந்தோஷமாக இருக்கிறார் ஐஸ்வர்யா. அவரின் இன்ஸ்டாகிராம் கணக்கு பக்கம் போனால் அந்த சந்தோஷத்தை பார்க்க முடிகிறது. | Pause | Play