பிரபல பாலிவுட் நடிகர் அமீர்கான் மகள் இரா கானின் நிச்சயதார்த்தம் கோலாகலமக நடந்துள்ளது.
நடிகர் அமீர்கானின் முதல் மனைவி ரீனா தத்தாவின் மகள் தான் இரா. கடந்த இரு ஆண்டுகளாக நுபுர் ஷிக்கரே என்பவரை காதலித்து வந்த நிலையில், தற்போது நிச்சயதார்த்தம் நடந்துள்ளது.
நடிகர் அமீர்கான் தனது இரண்டாவது மனைவி கிரண் ராவை கடந்த ஆண்டு விவாகரத்து செய்தது நாடு முழுவதும் பரபரப்பை கிளப்பியது.அத்தோடு 15 ஆண்டுகளுக்கு முன்னதாக இதே போல அவரது முதல் மனைவி ரீனா தத்தாவையும் அமீர்கான் விவாகரத்து செய்திருந்தார். மேலும் அவருக்கு பிறந்த மகள் தான் இரா கான்.
அமீர்கானின் மகள் இரா கான் தனது நண்பரான நுபுர் என்பவரை கடந்த 2 ஆண்டுகளாக காதலித்து வந்தார்.அத்தோடு இருவரும் பல இடங்களில் டேட்டிங் செய்த புகைப்படங்கள், வீடியோக்கள் எல்லாம் வெளியாகி பரபரப்பை கிளப்பின. எனினும் சமீபத்தில் இராவின் பிறந்தநாள் பார்ட்டியில் வருங்கால மாப்பிள்ளையுடன் அமீர்கான் மற்றும் குடும்பத்தினர் நீச்சல் குளத்தில் கும்மாளம் போட்ட புகைப்படம் எல்லாம் வெளியாகி இருந்தன.
சைக்கிளிங் வீரரான நுபுர் போட்டியொன்றில் கலந்து கொண்டு தனது விளையாட்டை முடித்த அதே மைதானத்திலேயே முட்டிப் போட்டு என்னை திருமணம் செய்து கொள்கிறாயா என இராவிடம் கேட்க அவரும் ஓகே சொல்ல, உடனடியாக கையில் ரெடியாக வைத்திருந்த மோதிரத்தை மாற்றி நிச்சயம் செய்து விட்டார்.
மோதிரத்தை அணிவித்த காதலருக்கு அமீர்கானின் மகள் இரா கான் உடனடியாக லிப் கிஸ் அடித்து தனது காதலை வெளிப்படுத்தினார். அத்தோடு விரைவில் இருவருக்கும் திருமணம் செய்து வைக்க நடிகர் அமீர்கான் மற்றும் அவரது முதல் மனைவி சம்மதம் தெரிவித்துள்ளனர். அத்தோடு பாலிவுட் பிரபலங்கள் சூழ கூடிய விரைவில் அமீர்கானின் மகள் இராவின் திருமணம் நடைபெற உள்ளது குறிப்பிடத்தக்கது.
நடிகர் அமீர்கான் இரண்டாவது மனைவியை விவாகரத்து செய்த நிலையில், தங்கல் படத்தில் அவரது மகளாக நடித்த நடிகை பாத்திமா சனா ஷேக்கை தான் மூன்றாவதாக திருமணம் செய்து கொள்ளப் போகிறார் என ஏகப்பட்ட வதந்திகள் பரவின. நிச்சயதார்த்தம் பற்றி அறிந்த பாத்திமா சனா ஷேக் முதல் ஆளாக இருவரையும் சமூகவலைத்தளத்தில் வாழ்த்தி உள்ளார்.
அத்தோடு பெரிதும் எதிர்பார்த்து அதிக பட்ஜெட்டில் கடும் உழைப்பைக் கொட்டி அமீர்கான் நடித்த லால் சிங் சத்தா திரைப்படம் மிகப்பெரிய டிசாஸ்டராக மாறி அவருக்கு அதிர்ச்சியை கொடுத்தது. முன்னதாக ஃபாத்திமாவுடன் அவர் இணைந்து நடித்த தக்ஸ் ஆஃப் இந்தோஸ்தான் படமும் தோல்வியை தழுவிய நிலையில், அடுத்து அமீர்கான் லோ பட்ஜெட் படத்தில் நடிக்க முடிவு செய்துள்ளதாக தகவல்கள் வெளியாகியுள்ளன.
.png)
.png)
Listen News!