கார்த்தி, ஆண்ட்ரியா, ரீமா சென், பார்த்திபன் உள்ளிட்டோர் நடிப்பில் செல்வராகவன் இயக்கத்தில் ரிலீசாகி பெரும் வரவேற்பை பெற்ற படம் 'ஆயிரத்தில் ஒருவன்'. இந்தப்படத்தின் இரண்டாம் பாகத்திற்காக நீண்ட காலமாக ரசிகர்கள் காத்து வருகின்றனர். சில வருடங்களுக்கு முன்பாக இந்தப்படத்தின் இரண்டாம் பாகம் உருவாகவுள்ளதாக செல்வராகவன் தெரிவித்திருந்தார்.
தமிழ் சினிமாவில் உச்ச நட்சத்திரமாக திகழ்பவர் தனுஷ். பாலிவுட், ஹாலிவுட் என பல மொழிகளிலும் கலக்கி வருகிறார். இவர் தற்போது 'கேப்டன் மில்லர்' படத்தில் நடித்து வருகிறார். ராக்கி, சாணிக்காயிதம் போன்ற ராவான படங்களை இயக்கிய அருண் மாதேஸ்வரன் தற்போது 'கேப்டன் மில்லர்' படத்தினை இயக்கி வருகிறார். இதன் படப்பிடிப்பு தற்போது விறுவிறுப்பாக நடந்து வருகிறது.
இதனிடையில் தனது தம்பி தனுஷை வைத்து 'ஆயிரத்தில் ஒருவன் 2' படத்தை இயக்கவுள்ளதாக செல்வராகவன் தெரிவித்திருந்தார். கடந்த 2010 ஆம் ஆண்டு வெளியாகியிருந்த 'ஆயிரத்தில் ஒருவன் படம் ரிலீசான சமயத்தில் பெரியளவில் வரவேற்பை பெறவில்லை. அதன்பின்னர் சில வருடங்களுக்கு பிறகு இந்தப்படம் ரசிகர்களால் கொண்டாடப்பட்டது. இதன் இரண்டாம் பாகத்தை உருவாக்குமாறு செல்வராகவனை தொடர்ந்து வலியுறுத்தி வந்தனர் ரசிகர்கள்.
இந்நிலையில் தான் கடந்த 2021 ஆம் ஆண்டு 'ஆயிரத்தில் ஒருவன் 2' படம் தனுஷ் நடிப்பில் உருவாகவுள்ளதாக செல்வராகவன் அறிவிப்பை வெளியிட்டார். அதன்பிறகு இந்தப்படம் குறித்த அப்டேட் எதுவும் வெளியாகாமல் இருந்த நிலையில் 'ஆயிரத்தில் ஒருவன் 2' படம் குறித்த புதிய தகவலை தற்போது வெளியிட்டுள்ளார் இசையமைப்பாளர் ஜிவி பிரகாஷ் குமார்.
இது தொடர்பாக செய்தியாளர்களிடம் பேசிய அவர், 'பொன்னியின் செல்வன் 2 பெரிய பட்ஜெட் படம். தனுஷ் சார் பண்ற மாதிரி சொல்லி இருக்காங்க. நடந்த ரொம்ப சந்தோசம் தான். நானும் படத்துக்காக காத்திருக்கிறேன். செல்வராகவன் சார் முதல் பாகத்தில் வரலாற்றையும், பேண்டசியையும் கலந்து அழகாக இயக்கியிருந்தார்.
அவரின் அடுத்த வெர்ஷன் எப்படி இருக்கும் என்பதை அறிய நானும் ஆவலாக இருக்கிறேன் என தெரிவித்துள்ளார். ஜிவி பிரகாஷ் அளித்துள்ள 'ஆயிரத்தில் ஒருவன் 2' பட அப்டேட் ரசிகர்கள் மத்தியில் எதிர்பார்ப்பை கிளப்பியுள்ளது.
_63a82f205671a_646cf91d8f398.jpg)
_646d6ab16c10f.jpg)
_662281af600f9.png)
_662214b33b625.png)
.png)
.png)
Listen News!