பிரபல இயக்குநரால் கர்ப்பமாகி கருவை கலைத்தேன்: நடிகை கூறிய பகீர் தகவல்..!

11 April 2022, 12:59 pm

7432

பாலிவுட் நடிகை கங்கனா ரனாவத் தொகுத்து வழங்கி வரும் லாக் அப் நிகழ்ச்சியில் கலந்து கொண்டிருக்கும் மந்தனா கரிமி கூறிய தகவல் பெரும் அதிர்ச்சியை ஏற்படுத்தி உள்ளது.

அந்த நிகழ்ச்சியில் மந்தனா கரிமி தெரிவித்ததாவது…

எனக்கும், பிரபல இயக்குநர் ஒருவருக்கும் இடையே நெருங்கிய தொடர்பு ஏற்பட்டது. சில மாதங்களிலேயே எங்களுக்கு இடையே நெருக்கம் அதிகரித்தது. அவருக்கு விவாகரத்து கிடைக்க வேண்டியிருந்ததால், எங்களின் தொடர்பை ரகசியமாக வைக்க முடிவு செய்தோம்.

எனினும் இந்நிலையில் நான் கர்ப்பமானேன். இது குறித்து அறிந்த அவர், குழந்தையை ஏற்க விரும்பவில்லை. தந்தையாக தான் தயாராக இல்லை என்று கூறினார்.

அத்தோடு கருவை கலைக்குமாறு என் தோழி மூலம் பேச வைத்தார். இந்த குழந்தைக்கு நான் பொறுப்பேற்க மாட்டேன் என்று பல காரணங்களை சொன்னார்.

தந்தை பெயர் தெரியாமல் என் குழந்தை இந்த உலகிற்கு வர நான் விரும்பவில்லை. இதையடுத்தே கருவை கலைத்துவிட்டேன் என்றார்.

எனினும் முன்னதாக தன் முன்னாள் கணவரான தொழில் அதிபர் கவுரவ் குப்தா பற்றி பேசினார் மந்தனா. காதலித்து திருமணம் செய்து கொண்ட 8 மாதத்திலேயே பிரச்சனை ஏற்பட்டு பிரிந்தார்கள். 4 ஆண்டுகளாக பிரிந்து வாழ்ந்த அவர்களுக்கு 2021ம் ஆண்டு விவாகரத்து கிடைத்தது.

பிரிந்து வாழ்ந்த அந்த 4 ஆண்டுகளில் தனக்கு தெரிந்த அனைத்து பெண்களுடனும் கவுரவ் உறவு கொண்டதாக கூறினார் மந்தனா என்பது குறிப்பிடத்தக்கது.