பிக்பாஸ் வீட்டில் என்னுடைய எனர்ஜி பூஸ்டர் இவர் தான்- ஜுலிக்கு லவ் யூ சொன்ன முக்கிய பிரபலம்

12 April 2022, 5:24 pm

3785

பிக்பாஸ் நிகழ்ச்சியில் சீசன் 1 இல் போட்டியாளராகப் பங்கு கொண்டு மக்களிடையே அறிமுகமானவர் ஜுலி. இவர் சென்னை மெரினாவில் நடைபெற்ற ஜல்லிக்கட்டு போராட்டத்தின் மூலம் தான் பிக்பாஸில் பங்கேற்கும் வாய்ப்புக் கிடைத்தது.

மேலும் பிக்பாஸ் நிகழ்ச்சியில் பங்கு கொண்டதால் நெக்கட்டிவ் விமர்சனங்களையும் பெற்றார். இருப்பினும் இதனைத் தொடர்ந்து சின்னத்திரையில் தொகுப்பாளராக அறிமுகமானார் அதே போல சினிமாவில் நடிக்கும் வாய்ப்பும் இவருக்கும் கிடைத்தது.

இந்நிலையில் ஹாட் ஸ்டாரில் ஒளிபரப்பான பிக்பாஸ் அல்டிமேட் என்னும் நிகழ்ச்சியில் பங்கேற்று தனக்கான ஓர் அடையாளத்தை ஏற்படுத்தியதோடு ஜுலி மாறிவிட்டார் என்று ரசிகர்களாலும் ஏற்றுக் கொள்ளப்பட்டார்.

இந்த நிலையில் பிக்பாஸ் அல்டிமேட்டில் இவருடன் சக போட்டியாளராகப் பங்குபற்றிய அபிராமி பிக்பாஸ் வீட்டில் தன்னுடைய எனர்ஜி பூஸ்டர் என்றும் லவ் யூ பட்டூஸ் என்றும் குறிப்பிட்டுள்ளார். அபிராமியின் இந்த பதிவை பார்த்த ஜூலி லவ் யூ டூ கண்ணம்மா என்று பதிவிட்டுள்ளார் என்பதும் குறிப்பிடத்தக்கது.