வலிமை திரைப்படத்தைத் தொடர்ந்து நடிகர் அஜித் எச்.வினோத் மற்றும் போனிகபூருடன் இணைந்து உருவாகி வரும் திரைப்படம் தான் துணிவு.இந்த படத்தின் இரண்டு போஸ்டர்கள் ஏற்கனவே வெளியாகி ரசிகர்கள் மத்தியில் நல்ல வரவேற்பை பெற்றுள்ளன.
ஜிப்ரான் இசையமைப்பில் உருவாகி வரும் இப்படத்தின் படப்பிடிப்பானது ஹைதராபாத், சென்னை, விசாகப்பட்டினம், பேங்காக் போன்ற நகர்களில் நடைபெற்று வந்தது.இப்படத்தில் அஜித்துடன் நடிகை மஞ்சு வாரியர், நடிகர் ஜான் கொக்கென், வீரா உள்ளிட்ட பலரும் இந்த படத்தில் நடித்து வருகின்றனர்.
பொங்கல் விருந்தாக துணிவு திரைப்படம் வெளியாக உள்ள நிலையில், இந்த படத்தின் தமிழக ரிலீஸ் உரிமத்தை உதயநிதி ஸ்டாலினின் ரெட் ஜெயன்ட் மூவிஸ் நிறுவனம் கைப்பற்றியுள்ளது என்றும் அறிவிக்கப்பட்டுள்ளது.இந்த நிலையில், துணிவு படத்தின் முதல் பாடலுக்கு டான்ஸ் மாஸ்டர் யார் என்பது குறித்து நம்பத் தகுந்த வட்டாரங்களில் இருந்து தகவல் ஒன்று கிடைத்துள்ளது.
அதன்படி, துணிவு படத்தின் முதல் பாடலுக்கு கல்யாண் மாஸ்டர் நடனம் அமைத்துள்ளதாக தகவல்கள் தெரிவிக்கின்றது.இதற்கு முன்பு அஜித் குமார் நடித்த நேர்கொண்ட பார்வை, விஸ்வாசம், விவேகம், வேதாளம் உள்ளிட்ட திரைப்படங்களிலும் டான்ஸ் மாஸ்டர் ஆகவும் கல்யாண் மாஸ்டர் பணிபுரிந்திருந்தார்.
ஆலுமா டோலுமா, அடிச்சுத் தூக்கு உள்ளிட்ட பல பாடல்கள் அஜித் - கல்யாண் காம்போவில் ஹிட்டாகி உள்ளது.துணிவு படத்தின் முதல் சிங்கிளும் நவம்பர் மாதம் வெளியாக உள்ளதாக நம்பத் தகுந்த வட்டாரங்களில் இருந்து தகவல் கிடைத்துள்ளது குறிப்பிடத்தக்கது.
Listen News!