நடிகர் சிம்புவின் தீவிர ரசிகனாகவும் பல திரைப்படங்களில் குணச்சித்திர வேடங்களில் நடித்து பிரபல்யமானவராகவும் வலம் வருபவர் தான் கூல் சுரேஷ்.இவர் சாக்லேட், சீறி, காக்க காக்க, இனிமேல் இப்படித்தான், நண்பேன்டா போன்ற படத்தில் நடித்துள்ளார். வில்லனாக அறிமுகமான கூல் சுரேஷ் படவாய்ப்பு இல்லாததால் நகைச்சுவை நடிகராக மாறினார்.
சிம்புவின் வெந்து தணிந்தது காடு படத்தின் பெயர் அறிவிப்பு வந்தவுடன் வெந்துதணிந்தது காடு...சிம்பு படத்திற்கு வணக்கத்தை போடு என அவர் செய்த புரோமோஷன் மிகப்பெரிய அளவில் பேமஸ் ஆனது. சமீபத்தில் வெளியான வெந்து தணிந்தது காடு படம் பாக்ஸ் ஆபிஸில் மிகப்பெரிய வசூல் சாதனையை படைத்துள்ளது.
இந்த படத்தின் வெற்றிக்கு உறுதுணையாக இருந்த கூல் சுரேஷிற்கு படத்தின் தயாரிப்பாளர் ஐசரி கணேஷ் ஐபோன் ஒன்றை பரிசாக அளித்திருந்தார். அது மட்டும் இல்லாமல் சிம்புவின் அடுத்த படத்தில் கூல் சுரேஷ் நடிப்பார் என்று சிம்புவே ஒரு பேட்டியில் கூறியுள்ளார்.இதனால், கூல் சுரேஷ் பட விமர்சனம், போட்டோஷுட் என படு பிஸியாக இருக்கிறார்.
இதையடுத்து, சிம்பு நடிப்பில் அடுத்து திரைக்கு வரவிருக்கும் பத்து தல படத்தை வைத்து ஒரு வேற டயலாக்கை யோசித்து வைத்திருப்பதாகவும் இனிமேல் அந்த டயலாக்கைத்தான், பத்து தல படம் வெளியாகும் வரைக்கும் சொல்வேன் என்று கூறியிருந்தார். அது என்ன? டயலாக் என்பதை விரைவில் தெரிவிக்கிறேன். நீங்கள் ஏதாவது யோசித்து வைத்திருந்தாலும் கமெண்ட் பாக்ஸில் சொல்லுங்கள் என கூறியிருந்தார்.
இந்நிலையில், காலங்களில் அவள் வசந்தம் படத்தை பார்த்துவிட்டு வெளியே வந்த கூல் சுரேஷிடம், பத்து தல படத்தின் டயலாக் சொல்லுங்க என செய்தியாளர்கள் கேட்டுக்கொண்டு இருக்க, ஒரு ரசிகர், STRன் பத்து தல...கூல் சுரேஷின் சொட்ட தல என பங்கமாக கலாய்த்துவிட்டார். இதற்கு, சிரித்துக்கொண்டே இருந்த கூல் சுரேஷ், என்ன இருந்தாலும் இப்படி கலாய்க்கக்கூடாது என நொந்துப்போனார் என்பதும் குறிப்பிடத்தக்கது.
.png)
.png)
Listen News!