14 வருடங்களுக்கு பிறகு இரண்டாவது குழந்தைக்கு அப்பாவான நடிகர் பக்ரு- ரசிகர்களிடமிருந்து குவியும் வாழ்த்துக்கள்

ஜீவா, சந்தியா நடித்த 'டிஷ்யூம்' படத்தின் மூலம் தமிழ் சினிமாவில் அறிமுகமானார் நடிகர் பக்ரு. இதனையடுத்து அற்புத தீவு, விஜய்யின் 'காவலன்', சூர்யாவின் 'ஏழாம் அறிவு' உள்ளிட்ட பல படங்களில் நடித்துள்ளார். தமிழ் மட்டுமில்லாமல் மலையாள படங்களிலும் நடித்துள்ளார்.

கடந்த 2006 ஆம் ஆண்டு காயத்ரி மோகன் என்பவரை நடிகர் பக்ரு திருமணம் செய்து கொண்டார். இவர்களுக்கு ஏற்கனவே மகள் ஒருவர் இருக்கிறார். அவருக்கு தற்போது 14 வயது இருக்கும் நிலையில் மீண்டும் அப்பாவாகியுள்ளார் நடிகர் பக்ரு.

தனது புதிய குழந்தையை கையில் ஏந்தியவாறு 14 வயது மகளுடன் இருக்கும் புகைப்படத்தை தனது சோஷியல் மீடியா பக்கத்தில் பகிர்ந்துள்ளார் பக்ரு. இந்த புகைப்படம் தற்போது இணையத்தில் வைரலாகி வருகிறது.

இதனையடுத்து பலரும் அவருக்கு வாழ்த்து தெரிவித்து வருகின்றனர். பக்ருவின் பெயர் உலகிலேயே உயரம் குறைந்த நடிகர் என்ற வகையில் கின்னஸ் சாதனை புத்தகத்தில் இடம்பெற்றது குறிப்பிடத்தக்கது.